Я адвучыўся(-лася) ужо некалькі курсаў на бюджэтнай форме, але хачу адлічыцца. У якім выпадку я буду вінен(-а) выплочваць сродкі універсітэту?

У якіх выпадках трэба кампенсаваць сродкі, затрачаныя дзяржавай на падрыхтоўку?

Па агульным правіле, сродкі, затрачаныя дзяржавай на падрыхтоўку спецыяліста, трэба кампенсаваць у выпадку, калі:

Па-першае, выпускніку было прадастаўлена месца працы шляхам размеркавання, працаўладкавання ў кошт брані, пераразмеркавання, па дамове аб мэтавай падрыхтоўцы і г.д., але

Па-другое, выпускнік не адпрацаваў устаноўлены тэрмін абавязковай працы (ч. 1 арт. 78 Кодэкса аб адукацыі).

У асобных выпадках ёсць адступленні ад правіла (напрыклад, вызваляюцца ад кампенсацыі маладыя спецыялісты, якія адносяцца да катэгорыі маці (бацькі), якія маюць дзіця ва ўзросце да трох гадоў на дату прыняцця рашэння аб пераразмеркаванні, перанакіраванні на працу, пры немагчымасці прадастаўлення новага месца працы па месцы жыхарства аднаго з бацькоў дзіцяці і г.д.).

Чаму так?

Згодна з ч. 1 арт. 72 Кодэкса аб адукацыі, размеркаванне – гэта працэдура вызначэння месца працы выпускніка.

Мэтавая падрыхтоўка – гэта падрыхтоўка спецыялістаў, рабочых (служачых) за кошт сродкаў рэспубліканскага і (або) мясцовых бюджэтаў у дзённай форме атрымання адукацыі з мэтай задавальнення кадравых патрэб арганізацый Рэспублікі Беларусь за кошт персанальнага прыцягнення ў адпаведнасці з дамовай аб мэтавай падрыхтоўцы спецыяліста з вышэйшай адукацыяй, спецыяліста (рабочага) з сярэдняй спецыяльнай адукацыяй, рабочага (служачага) з прафесійна-тэхнічнай адукацыяй.

У які момант я лічуся выпускніком? Што значыць «асоба, якая атрымала адукацыю»?

Згодна з п. 1.4. ч. 1 арт. 1 Кодэкса аб адукацыі, выпускніком лічыцца асоба, якая атрымала адукацыю.

Згодна з п. 1.28 ч. 1 арт. 1 Кодэкса аб адукацыі, атрыманне адукацыі – засваенне зместу адукацыйнай праграмы навучэнцамі, якое ў выпадках, прадугледжаных Кодэксам, пацвярджаецца дакументам аб адукацыі або дакументам аб навучанні.

А што такое дакумент аб адукацыі і дакумент аб навучанні?

Дакумент аб адукацыі – гэта дакумент дзяржаўнага ўзору, які пацвярджае засваенне навучэнцам зместу адпаведнай адукацыйнай праграмы, у тым ліку з прысваеннем кваліфікацыі або ступені (ч. 1 арт. 90 Кодэкса аб адукацыі).

Да дакументаў аб адукацыі згодна з ч. 2 арт. 90 Кодэкса аб адукацыі адносяцца наступныя віды дакументаў:

• сведчанне аб агульным базавым адукацыі;
• атэстат аб агульнай сярэдняй адукацыі;
• дыплом аб прафесійна-тэхнічнай адукацыі;
• дыплом аб сярэдняй спецыяльнай адукацыі;
• дыплом бакалаўра;
• дыплом магістра;
• дыплом даследчыка;
• дыплом аб перападрыхтоўцы на ўзроўні вышэйшай адукацыі;
• дыплом аб перападрыхтоўцы на ўзроўні сярэдняй спецыяльнай адукацыі;
• сведчанне аб павышэнні кваліфікацыі.

Такім чынам, калі вы, напрыклад, студэнт універсітэта, то выпускніком вы лічыцеся толькі пасля атрымання дыплома бакалаўра або магістра. Няма дыплома – няма размеркавання – не трэба кампенсаваць сродкі ў бюджэт.